-
گؤی چمن
دوشنبه 28 آبانماه سال 1386 16:27
آی ایشیقی، بولاق باشی، گؤی چمن. بیر دونیالیق، بیر سن اؤزون، بیر ده من.
-
آیی نان دولان
دوشنبه 28 آبانماه سال 1386 16:26
هر گون دوغول، هر گون اؤل. گؤنشه یولداش کیمی. اولدوزلارین بؤیرونه گیر، آیی نان دولان. saray
-
پاییز یارپاقلاری
دوشنبه 28 آبانماه سال 1386 16:24
بورالاردا پاییز اسیر، سئوگیلیلر قول-قولا یئریینده، پاییز یارپاقلاری گؤزهل خیشیلدیر. saray
-
ایته بیلریک
دوشنبه 28 آبانماه سال 1386 16:22
بورا دومان کؤچوب، گؤز گؤزو گؤرمور. الیمی بوراخما، بورالاردا، ایتنلرچوخ اولوب، بیز ده ایته بیلریک. saray
-
قاچیلماز
دوشنبه 28 آبانماه سال 1386 16:20
قوشلارین کؤچمهیی، قاچیلماز دیر. کؤچمهسهلر اؤلرلر. سویوقدان، آجلیقدان. saray
-
قورخورام
دوشنبه 28 آبانماه سال 1386 16:19
دورنایا دئیین گئتمهسین، من ده گلیرهم. تک باشینا قالماق دان، قورخورام. بیز بیر اوچوب، بیر ده گئری دؤنهریک. یولو تانیساقدا، تانیماساق دا. saray
-
بو دورنا
دوشنبه 28 آبانماه سال 1386 16:12
پاییز اسدیکده کئچن ایلده ده، بو دورنا، یوواسی بو بوداقدا اولان دورنا، باخ بو بوداقی دئییرهم، سنین پنجرهوه باخان بوداق، حسرتله اوچدو. یازدا گئری دؤنمک هوسیله. saray
-
گئجه پاییز اسیر
دوشنبه 28 آبانماه سال 1386 16:10
بو گئجه پاییز اسیر بئینیمده، یئره تؤکولموش یارپاقلاریلا، کؤچن قوشلاریلا، اللرین جیبلرینده گیزلدن آداملاریلا. بوردا پاییز اسیر. saray
-
پاییز اسیر
دوشنبه 28 آبانماه سال 1386 16:08
کوچهنیزده پاییز اسیر. بو پاییز، کوچهنیزین باشیندا اولان آغاجین یارپاقلاری دئییل، من تؤکولهجهیم، ساپ-ساری، نارینجی، قیپ-قیرمیزی. بو پاییز بیتمهیهجک
-
دونا بیلرم
دوشنبه 28 آبانماه سال 1386 12:05
قاپی نیزدا دایانیب، پاییزین سویوق بیر گئجه سی، اللری بوم-بوز. بیر آز داها گئجیکیلسه، گؤزده کی یاشی دوناجاق، حسرتی دوناجاق گولوش لر دوناجاق saray
-
قاتار کئچیر
دوشنبه 28 آبانماه سال 1386 11:55
تاخ-تاخ، تاخ-تاخ اؤنومدن قاتار کئچیر. بیز طرفلردن گلن قاتار. بیر واقونون دا سئوینج، بیر واقونون دا حسرت، بیر واقونون دا گولوش، بیر واقونون دا گؤز یاشی. بو قاتار بیز طرفدن گلیر. یاشام داشییر، اوردان بورا. saray
-
مرمی اؤپه جک
دوشنبه 28 آبانماه سال 1386 11:45
آلوولانماق، داغلانماق سئویلیر کیمسه سئویر، کیمسه سئودیریر مرمی یه ماراق، جانلانیر، جانی آلیر بورونور یاشام قوخوسونا، یاشام سئوداسینا یان یؤوره ده بوتون دووارلار. سئودالانیر، گون آی، آی گون، بو گون. ایل ده بیر کز، ائله بو کز، آغیرلانیر بویلانیر درده بورونور، درددن سورونور. قیزیر قیزاریر قیزدیق دا، آلوولانیر بو گون،...