یازدیقدا سؤزوم سن،
باخدیقدا گؤزوم سن،
دوشوندوکده دوشونجم،
دالدیقدا رویامسان،
یانیمدا اولدوقدا جانیمسان،
اولمادیقدا یاریمسان،
یاشاییرسام چیرپینان اوره ییم،
اؤلسم تورپاغیمسان.
saray
بوغولور بوغازدا،
بوغازدان آغیزا،
آغیزدان بوغازا،
بورقان یولا دوشور،
دوشو آپاریر،
آپ آپپاق دوداقلاردان،
سؤزو آپاریر بوغازدا بوغا.
Yalçın
یاندی یاندی،
یاندی دئدی
یاندان کئچن
بو یاندان کئچن،
کئچیب یاندیران،
یاندیریب سسی دوردوران،
دیلی دورمادوران،
قونور بویانیب منی یاندیران،
سئومه سم دئسم دایانمارام،
سئوسم دئسم دایانیب دای یانارام.
Yalçın